دجاج كانتـون الصيني .

دجاج مع الخضار على الطريقه الصينيه
او
دجاج كانتـون




المقادير حسب ذوقك ورغبتك وعدد افراد اسرتك


الخضار حسب اللي تحبينه والاغلب هي مثل مو موجود
( فاصوليا _ كوسا _ جزر _ فلفل رومي _ بصل ابيض _ كرنب _بيبي كورن
والافضل يكون طازج
زنجبيل طازج _ ثوم _ فلفل اخضر حار للي تحبه



تكون الخضار مقطعه حسب الرغبه ومجهزه ..



صدور دجاج مقطع مكعبات
ومغمسه بنشاء معاه فلفل اسود وكمون وملح
ونتركها على جنب .


جهزنا كل شئ الحين نبدأ في وصفتنا بسم الله .

نحط زيت في مقلاه وما يكون كثير مره ونخليه يحمى شوي ونحط مكعبات الدجاج







نقلب على نار هادئه حتى تبدأ تتحمر مكعباتنا



نشيل الدجاج ونحطه على جنب وناخذ نفس الصينيه ونحط فيها الثوم بعد ما
هرسناه مع الزنجبيل الطازج ونقلب بسرعه وتكون النار وسط وهنا ممكن تضيفي
الفلفل الحار اذا تحبينه .




بعد كذا نبدأ نضيف الخضار بالتدريج اولا الفاصوليا






ونحط الصوص وهو عباره عن
( ملعقه كبيره صلصة محار _ ملعقتين صلصة صويا حلوه
_ ملعقتين كبار كاتشب _ ملعقه صغيره ملح صيني اجيني موتو
_فلفل اسود وكمون _ ملح )

تخلط مع بعض وتصب على خليط الخضار .





واخر شئ نضيف الكرنب والبيبي كورن




ونقلب دقيقتين ونطفي النار انا احب الخضار تكون نصف استواء واحبها تكون مقرمشه .










وصحه وهنااااا


م ن