جريش باللبن سهل ولذيذ بالتفصيل الممل للمبتدأت حياكم

اليوم جايبه لكم طريقة عمل الجريش باللبن بطريقتي الخاصه لذيذ وسهل الكل يحبه الصغير قبل الكبير



ومقاديره سهله وغير مكلفه ومتوفره في كل بيت



هذي الكميه تكفي لشخصين او ثلاثه



نبدأ بالمقادير:




1كوب رز مصري منقوع لمدة ساعه في ماء مائل للحراره

1كوب شوفان كويكر

ملاحظه استخدمت المكيال الي يجي مع الرز في قياس الرز والشوفان
صدر نصف دجاجه وزن 800 جرام

كاستين ونصف جبنه كبيره لبن

3حبات كيري

بصله متوسطة الحجم مقطعه قطع صغيره

بهارات مشكله فلفل ابيض مكعب ونص ماجي

مقادير الكشنه:

بصله كبيره مقطعه شرائح فلفل اخضر حار بهارات فلفل اسود نص مكعب ماجي صلصه زيت

الطريقه

نبدأ بسم الله

نحط الزيت والبصل ونقلب الين يذبل



نحط ماء مغلي ونحط الدجاجه والبهارات والفلفل والماجي ونخليها تطبخ لمده ثلث ساعه او الين ماتستوي الدجاجه



بعدين نشيل الدجاجه ونحط الرز والشوفان واللبن والكيري ونقلب الين ماتذوب الكيري ونخفض النار على اخر شي

وننتبه له بين كل فتره خمس دقايق نقلب عشان لا يلصق بالقدر وينلذع





نخليه يطبخ الين مايستوي ونقفل عليه

ونبدا بالكشنه

نحمي الزيت في الطاوه ونحط البصل والفلفل والبهارات والفلفل والماجي ونقلب



ونقلب الين يصير لونه ذهبي



وبعدين نحط الصلصه وشوية مويه ونقلب الين تنشف المويه ونطفي النار



نصب الجريش في حافظه ونزينه بالكشنه ويقدم وصحتين وعافيه